چین کے صوبہ سنکیانگ میں ریت کا طوفان

مہر خبررساں ایجنسی نے شینہوا کے حوالے سے نقل کیا ہے کہ چین کے مسلم اکثریتی صوبے سنکیانگ میں ریت کے طوفان نے نظام زندگی مفلوج کردیا ہے۔ اطلاعات کے مطابق گرد آلود طوفان نے سنکیانگ کے متعدد علاقوں کو اپنی لپیٹ میں لے لیا،تیز ہواؤں کی وجہ سے اڑنے والی ریت سے حد نگاہ بھی بہت کم ہو گئی اور متاثر ہ علاقوں میں اندھیرا چھا گیا۔طوفانی ہواؤں کے باعث متعدد گھر بھی متاثر ہوئے اور متعدد درخت  بھی جڑوں سے اکھڑ گئے ہیں۔